നീ എന്റെ കരം ഗ്രഹിക്കുക
അസ്വസ്ഥതയുടെ കയങ്ങളിലേക്ക്
താഴുമ്പോള്, പ്രതീക്ഷകളുടെ
നുണകളുമായി അശാന്തിയുടെ
തീരത്തേക്ക് പോകുവാന്...
നീ അകലം പാലിക്കുക
പ്രഹേളികയാവുന്ന മനസിന്റെ
നിഗൂഡതകളിലെക്കിറങ്ങാതെ
പിന്വിളികളുമായി ഓടിയെത്തുന്ന
ആര്ദ്ര സ്നേഹത്തില് നിന്ന്...
നീ എന്നോട് പൊറുക്കുക
നൃത്തവും, സംഗീതവും കൊഴുക്കുന്ന
ആഡംബര ഹര്മ്മ്യങ്ങളില്
വിഷാദചഷകം നിറയ്ക്കുന്നതിന്...
നീ യാനം തുടരുക
വിലാപങ്ങളുടെ നിരത്തില്
ആത്മ നൊമ്പരങ്ങളുടെയും
വിഹ്വലതകളുടെയും തേരില്
മുടന്തന് കുതിരകളുമായി
ഞാന് സാരഥിയാവട്ടെ...
No comments:
Post a Comment