നീ ഒരു ദ്വീപ് ആയിരുന്നു..
ആരൊക്കെയാലോ ചുറ്റപ്പെട്ടു നില്‍ക്കുമ്പോഴും,
അടിസ്ഥാനപരമായി നീ ഒറ്റപ്പെട്ട്..
എനിക്കസൂയ ആണ് പൂക്കളോട്..
പൂക്കള്‍ക്ക് പരാതികളില്ല,
വരണമാല്യങ്ങളില്‍ പുഞ്ചിരിച്ചു നില്‍ക്കാനും,
ശവക്കല്ലറകളില്‍ മരവിച്ചു നില്‍ക്കാനും ,
കൂന്തലില്‍ ചമഞ്ഞു നില്‍ക്കാനും,
അവര്‍ക്കറിയാം...
ക്ഷതമേറ്റ വാക്കുകളുടെ നിലവിളി
നീ ശ്രദ്ധിച്ചിട്ടുണ്ടോ?
വടുക്കള്‍ നിറഞ്ഞ ഈ വാക്കുകളില്‍
ഇപ്പോഴും ചോര ചിന്തുന്നത്‌
നീ അറിയുന്നുണ്ടോ?
ഇപ്പോള്‍ വാക്കുകളെ അല്ല എനിക്കിഷ്ടം..
ഒരു പാദ സ്പര്‍ശത്തില്‍ ,ഉയിര്ത്തെഴുന്നേല്ക്കുന്ന
കരിയിലകളെയാണ്...
No comments:
Post a Comment